باياتيلار

نظرات 0


عزيزيم ،  يازيغام   من

اَل ووُرما ، يازيغام  من

من اؤلسَم  سنه  قُربان

سَن اؤلمه ، يازيغام من

 

 

داغلارا  چَن  دوشَنده

سُنبله    دَن  دوشَنده

روُحوُم بَدن ده  اوْينار

ياديما   سَن  دوشَنده


 

 

سوُلار  گلر ، گؤل  دوْلار

شاختا ووُرار ، گول سوْلار

مَرد    ايگيدين    بالاسي

اؤزو كيمي ، مَرد   اوْلار


 


عاشيق  ناچار آغلاما

گوندور كئچر،   آغلاما

فلك     باغلي قاپيني

بير گون آچار ، آغلاما


 

بوُلوُد    ائندي    داغلارا

خَزان    گلدي    باغلارا

فلگين      گردش يندن

عؤمور – گون كئچير قارا 

         

 

دوُمانلي داغلار ، كؤنلوم

نيسگيللي باغلار ،كؤنلوم

نه  آچيلماز ، نه  گولمَز

هميشه آغلار  كؤنلوم